2021/03/15:
Oberan mendiaren basoberritzea

2020ko irailetik 2021eko martxora bitartean, Oberan mendia basoberritu da Gipuzkoan. Lehenik, basoa moztu zen, Lawson altzifrearen, itsas pinuaren eta Europako pinu beltzaren aleak ebakiz. Aldi berean, basoberritzeko proiektua 2020ko azarorako idatzi zen. Proiektuan espezie autoktonoak landatzea erabaki zen, haritz arruntari (Quercus robur) lehentasuna emanez. 2021eko urtarriletik martxora bitartean, beste espezie batzuk landu ziren –haltzak, urkiak, lizarrak…– haritz arruntarekin batera. 

Eremu horretan, nahitaezkoa zen espezie autoktonoetara aldatzea, dibertsitate handiagoa ematea eta hori guztia klima-aldaketara egokitzeko irizpideak erabiliz lortzea. Lurzatia Oberan mendiaren lurretan dago, eta 12 bat hektareako azalera du. Lawson altzifreaz osatutako jatorrizko plantazioa behar baino gehiago hedatu zen, eta ez zen egokia, espezie aloktono bat zelako natura-balio handiak zituen kokaleku batean. Gainera, detektatu da espezie hori ondoko beheko lurzatian ere barreiatu dela  (3 ha); beraz, hura ere kendu eta ordeztu egingo da. 

Erakunde laguntzailea: Donostiako Udala