2024/7/4:
LURZAIN, herritarrentzako web aplikazio bat lurzoruak ebaluatu eta modu iraunkorrean kudeatzeko

NEIKER zentro teknologikoak, LURZAIN garatu du, zientzia parte hartzailetik abiatutako web aplikazioa, lurzoruaren osasuna ebaluatzera bideratua.Proposamenaren helburua da interesa duen edonori tresna bat ematea bere lurzoruaren osasun egoera modu errazean ebaluatzeko eta kudeaketa jasangarrirako beharrezkoak diren parametroak emanez.

Horretarako, NEIKER hamarkada bat baino gehiagoan Lurzoruen Osasun Txartelen bidez lortutako esperientzian oinarritu da, zeina ekosistema edafikoen egoera ezagutzera bideratutako sistema bat den. 

Neurketen zehaztasuna eta eraginkortasuna hobetzeko, zentroak, Eskoziako James Hutton Instituterekin lankidetzan, digitalizaziorantz jo du, irudiak hartzeko telefono mugikor bat erabiltzen duen neurketa berritzaile bat gehituz, lurzoruaren materia organikoa, testura, pH-a eta horrelako funtsezko propietateak estimatzen dituzten sare neuronalen ereduekin batera.

Horrenbestez, LURZAINek 12 neurketa horiek Lurreko bizitzaren sostengurako funtsezkoak diren bost funtziotan antolatzen ditu: landare ekoizpena, biodibertsitatearen sustapena, uraren erregulazioa, emankortasuna mantentzea eta karbono bahiketa.

Ekimena  C.7.2 Herritarren Zientziaren Plataforma ekintzarekin lotuta dago.

Erakunde laguntzailea: NEIKER