LIFE IP Urban Klima 2050 eta LIFE IP NAdapta-CC proiektuek klima-aldaketara egokitzeko estrategiak partekatu dituzte lan-saio batean
2023/02/21
LIFE IP Urban Klima 2050 eta LIFE IP NAdapta-CC proiektuen koordinazio-taldeek beste lan-bilera bat izan zuten otsailaren 15ean, klima-aldaketaren egokitzapenaren eta arintzearen inguruko esperientziak partekatzeko eta sinergiak bilatzeko.
Saio birtual batean, bi taldeek lan egiten duten arloetan lortutako aurrerapenak partekatu zituzten, eta azken hilabete hauetan izandako zailtasunak eta ezarritako konponbideak aztertu zituzten.
Gainera, hurrengo asteetarako antolatutako gertakizun eta mugarrien berri eman zuten saioan, eta Tuterako UHUNeko unibertsitate-ikastaroa aztertu zuten; bertan Urban Klima 2050ek Euskadi klima-aldaketara egokitzeari buruzko txosten batekin parte hartu zuen. Bestalde, LIFE IP NAdapta-CC taldeak monitorizazio-ataria eta adierazleen taula aurkeztu zituen.
Azkenik, zeharkako gaiak aztertu zituzten, hala nola genero-ikuspegia klima-aldaketaren barruan, etorkizunean proiektuak egiteko aukera eta gaur egungo finantziazio-iturri aipagarrienak, Egokitze Misioa programa nabarmenduz.
