KLIMA Azokak herritarrak mobilizatuko ditu Berdeago azokaren hamargarren urteurrenean

2024/02/27

Hamargarren urteurrenean, Berdeago Azokak formatu berri baten alde egiten du, zeinarekin azokaren ikuspegi bikoitza laburbiltzen duen: Nature eta Energy (Natura eta Energia), Durangoko Landako Gunera bertaratuko den publikoaren interesa erakarriko duten gaiak.

Martxoaren 22tik 24ra bitartean, Ihobek eta EEEk KLIMA AZOKA sustatuko dute. Proposamen ibiltari horren helburua da herritarrak klima aldaketaren ondorioez sentsibilizatzea eta mobilizatzea, bai eta keinu txikiek eguneroko ohituretan duten garrantziaz ere, keinu txiki horiekin klima aldaketa arintzen eta egokitzen laguntzen baita.

Ekoetxea sarearen eta LIFE Urban Klima 2050 proiektuaren laguntzarekin, KLIMA Azokak proposatzen du hainbat karpatatik ibilbide bat egitea, non hainbat gai jorratuko diren, hala nola klima aldaketa, etxeko ohiturak, mugikortasuna, aisialdia eta kontsumoa, LIFE IP Urban Klima 2050 proiektua, eta, proposamen horrez gain, bertaratuei aukera ematen die gainerakoekin batera modu erabakigarrian lagunduko duen banakako konpromiso bat formalizatzeko modua ezagutzeko.

KLIMA AZOKAk bere ekintza babesten du, dinamika ludiko batez baliatuz, pasaporte forman, non autodiagnostikoko probak, informaziokoak, jarduketa posibleen gainekoak eta bestelako probak egingo diren. Karpa bakoitzean gure eguneroko bizitzako alderdi batzuez sentsibilizatzeko eta klima aldaketari nola eragiten dioten ohartarazteko jolasak egongo dira. Azken helburua da pertsona bakoitzak erronka bat hartzea, ekintzaren batekin konprometitzea.

Bi mundu elkartuta

Berdeago azokak 60 erakusle inguru izango ditu, eta bi alderdi: Berdeago Energy, efizientzia energetikoan, ingurumen berrikuntzan, mugikortasun jasangarrian, ekonomia zirkularrean zentratua; eta Berdeago Nature, kontsumo arduratsura bideratua, elikadura, moda, etxea, osasuna eta ongizate jasangarriak bezalako gaien inguruan.

Era guztietako doako jarduerak

Azokara bertaratzen direnek erabat doan gozatu ahal izango dute martxoaren 22an, 23an eta 24an Durangoko Landako Gunean izango diren ekitaldiez. Azoka honen babesleen artean daude Bizkaiko Foru Aldundia, Eusko Jaurlaritza, Ihobe Durangoko Udala, Bilbao Bizkaia Ur Partzuergoa eta Eroski.

Azokara joaten direnek Berdeago Azokak antolatutako hainbat zozketatan parte hartu ahal izango dute, zeintzuek bisitariarentzat zein erakusketariarentzat onura ekarriko duten. Gainera, Berdeagoren programazioak, laster ezagutaraziko denak, enpresa erakusketarien hitzaldiak, aurkezpenak eta tailerrak izango ditu.

Azokan, bi kategoriak egongo dira erakusle gisa, eta bisitariek hainbat esparrutako produktu ugariez gozatu ahal izango dute, jasangarritasunaren premisapean. Euskadiko enpresak eta profesionalak azoka honetan izango dira, efizientzia energetikoarekin, mugikortasun jasangarriarekin, birgaitze energetikoarekin, bioeraikuntzarekin eta hondakinen kudeaketarekin lotuta erakunde publikoentzat interesgarriak diren gaiak lantzeko.