Ihobek ‘Urban Klima 2050: Euskadin egokitzapena finantzatzeko agente anitzeko lankidetza’ tailerra antolatu du

2021/07/19

Urban KLIMA 2050 da Euskadik gidatzen duen ekimen handinahiena. Beraren helburua da lurraldearen erresilientzia bermatzea, maila anitzeko gobernantzaren ikuspegi batez, alderi interesatu ugari bilduz, eta klima-ekintza tokiz toki aplikatuz. Eskala handiko LIFE Proiektu Integratu hau 2019an abiatu zen, 20 erakunde bildu zituen elkarte bati eta 19,8 milioi euroko inbertsio bati esker (Europar Batasunak inbertsio horren % 52 finantzatu zuen). Proiektuaren bazkideek helburu handinahi bat ezarri dute, alegia, 40 ekintza gauzatzea 6 urtean, hiru arlo espezifikotan –kostaldea, ibai-arroak, eta hiriak eta hiri-ingurumariak-,  2 milioi pertsonarengan baino gehiagorengan inpaktua izanik. 

'Urban KLIMA 2050: Euskadin egokitzapena finantzatzeko agente anitzeko lankidetza' izenburuko tailerrak erakutsiko du Euskadik Parisko Akordioaren helburuak betetzeko hartuta duen konpromisoa, konpromiso politikoaz, legediaz, estrategia konkretuez, baliabide finantzarioez eta tokian tokiko ekintzaz baliatuz; horiek guztiek lurraldearen erresilientziaren alde lan egiten duten eragile ugari inplikatzen dituzte, planeta jasangarri eta osasuntsua lortzeko Helburu Globalei ekarpena eginez. 

Halaber, ekitaldiak eskualde-ikuspegia eta NBKAEHk gidatzen dituen prozesu eta kanpaina globalak ere konektatuko ditu, lurralde mailako inpaktu positibo bat oso urrunera iritsi daitekeela erakutsiz. 

Tailerra PreCOP26 Ekitaldi paralelo ofiziala da – All4Climate Italia 2021. 

Ingelesa-gaztelania aldibereko itzulpena egongo da. 

Egitaraua

15:00

Inaugurazioa – 'Parisko Akordioa betetzea: lurralde-konpromiso bat egokitzapenaren etena finantzatzeko'

Arantxa Tapia, Ekonomiaren Garapen, Jasangarritasun eta Ingurumen sailburua, Eusko Jaurlaritza

Christian Strasser, Baliabide Natural, Klima, Ekonomia Urdin Jasangarri eta Energia Garbiaren Atalaren arduraduna, Europar Batzordeko LIFE Programa

Gorka Urtaran, Gasteizko alkatea, Green Capital 2012

15:15

Mahai-ingurua – 'Urban KLIMA 2050: alderdi interesatu anitzen arteko lankidetza egokitze-ekintza eta jardunbide egokiak bultzatzeko'

Alexander Boto, Ihobe – Eusko Jaurlaritzako Ingurumen Jarduketarako Sozietate publikoaren zuzendari nagusia

Eneko Goia, Donostiako alkatea

María José Sanz, BC3 – Klima-aldaketarako Euskal Zentroaren zuzendari zientifikoa

Carlos Garbisu, Neiker-eko zuzendari zientifikoa. Nekazaritza Ikerketa eta Garapenerako Eusko Erakundearen zuzendari nagusia

15:40

Mahai-ingurua – 'Tokian tokiko egokitzapena: lurralde-proiektu baten jardunbide egokiak eskala handian erakustea'

Antonio Aiz, URA – Uraren Euskal Agentziaren zuzendari nagusia

Amets Jauregizar, Bakioko alkatea

Luis Pedrosa, Energia eta Ingurumen zuzendaria, Tecnalia Research Innovation

16:05

Mahai-ingurua – 'Gure planetaren alde elkarrekin: maila anitzeko gobernantza eta lankidetza, egokitze-ekintzaren agenda inpaktu globalerantz gidatzeko'

Gonzalo Muñoz, COP26rako Klimaren Goi Mailako enbaxadorea

Saleemul Huq, Zuzendaria, ICCAD - Klima Aldaketarako eta Garapenerako Nazioarteko Zentroa eta Race To Resilience-ko Munduko Mandataria

Héloïse Chicou, Eragin eta Ekintza Klimatikoaren arduraduna, Regions4

Holger Robrecht, Europako zuzendariondokoa, ICLEI - jasangarritasunaren aldeko tokiko gobernuen sarea