2022/5/17:
Gipuzkoako Foru Aldundiak irristatzeengatiko suszeptibilitate- eta arriskugarritasun-mapa garatu du

Gipuzkoako Foru Aldundiak txosten bat argitaratu du, eta haren bidez aztertzen da zer eragin duen Gipuzkoak masa-irristatzeetan eta fluxuetan klima-aldaketako agertokietan. 

Datu historikoak eta 2011tik 2100era bitarteko epealdiak hartzen dituzten proiekzio klimatikoak hartu ditu kontuan azterketak. Proiekzio horietatik abiatuta, azterketak suszeptibilitate- eta arriskugarritasun-mapak garatu ditu, lurraldeko eremu ahulenak identifikatzeko.

Irristatze horien eragina ulertzeko, arriskugarritasun handiko eremuetatik zeinen gertu dauden ebaluatzen ditu eremuak txostenak. Behin betiko arrisku-mapa ezartzea konplexua izan arren, arrisku-azterketa kualitatiboa egitea lortu da, eta, horri esker, arrisku handieneko eremuak hauteman daitezke. Aurkikuntzen artean, nabarmentzekoa da RCP 8.5 agertokian (erreferentziazko igorpenen agertoki altuena) epe laburrean arriskugarritasuna asko handituko dela aurreikusten dela, ondorengo hamarkadetan egonkortuko delarik.

Ekimen hau A.2 EAEko klima-arriskuaren analisia zabaltzea ekintzaren barruan dago.

Erakunde laguntzailea: Gipuzkoako Foru Aldundia