Gipuzkoako 19 enpresa erakundek beren prozesuetan ekonomia zirkularra bultzatzeko aukerei buruz eztabaidatu dute
2022/10/14
Naturklimak eta Tecnunek antolatutako tailerra LIFE IP Urban Klima 2050 proiektuaren barruan dago, ‘Gobernantza eredu berrien diseinua’-ri buruzko ekintzaren barruan.
Naturklimak eta Tecnunek Gipuzkoako 19 enpresa erakunde elkartu dituzte, Ibaetako campusean ekonomia zirkularrari buruz egindako bigarren tailerrean. Topaketa LIFE IP Urban Klima 2050 proiektuaren barruan dago, C.9.3 ekintzaren barruan: Klima aldaketaren ekintzarako gobernantza eredu berriak diseinatzea.
Saioan zehar, parte hartu duten erakundeek uztaileko lehen tailerrean egin zen lanean sakondu dute, eta enpresek beren produktu, zerbitzu edo prozesuetan ekonomia zirkularra bultzatzeko garaian dituzten oztopo, aukera, ahulezia eta indarguneak landu dituzte.
Multzo tematikoetan banatuta –lehengaiak, ura eta energia, azpiproduktuak eta hondakinak, merkatua, kontsumitzailea eta kontzientziazioa, eta legedia eta ziurtapena–, parte hartzaileek eztabaida egin dute ekodiseinuak eskaintzen duen aukeraz, edo eko, bio edo jasangarri bezalako kontzeptuak argitzeko eta erregularizatzeko beharraz.
Ondorioen aratean, erakunde batzuek nabarmendu dute nola nozitu dituzten zuzenean klima aldaketaren ondorioak, bai beren lantegietan, bai hornidura katearen bidez. Hirugarren eta azken tailerra azarorako programatuta dago eta izaera inspiratzailea izango du.
