Gernikak klima-aldaketari buruz duten pertzepzioari buruz galdetu die herritarrei
2022/04/26
Gernika-Lumoko Udalak herritarrek klima-aldaketari buruz duten pertzepzioa jakin nahi du, baita gizarte osoak aurre egin beharreko erronka horri buruz dituzten kezkak eta zalantzak ere. Horretarako, herritarrek apirilaren 30era arte bete dezaketen inkesta bat kaleratu du.
Ingurumen Arloak prestatutako galdetegiaren helburua da datuak biltzea udalerriko Klima-aldaketa arintzeko eta horretara egokitzeko plan integratua (KAAEPI) idazteko, zeina LIFE IP Urban Klima 2050 proiektuarekin lerrokatuko baita.
«Ahalik eta informazio gehiena jakin nahi dugu udalerriko sektoreek eta, oro har, herritarrek gai horri buruz dituzten kezka eta premia nagusiei buruz, herritarren errealitatera egokitutako eta iraunkorra izango den ekintza-proiektu bat garatzeko», azaldu dute udal-arduradunek.
Klima-aldaketa arintzeko eta horretara egokitzeko plan integratua izango da Gernika-Lumoko Udalak erabiliko duen ibilbide-orria nazioartean eta autonomia-erkidegoan berotegi-efektuko gasen emisioak murrizteko ezarritako helburuekin bat egiteko.
Gainera, aurrezteko estrategia espezifikoak bilduko ditu, eraginkortasun energetikoko ekimenen bitartez, bai eta energia berriztagarrien eta klima-aldaketarekiko erresilientzia areagotzearen bidez ere.
