2024/10/8:
Euskalmetek Euskadiko arrisku klimatikoaren azterketa sakondu du, haizearen abiadura, hezetasun erlatibo eta eguzki-erradiazio adierazleak garatuz

Euskalmetek Euskadirako proiekzio klimatikoak zabaldu ditu, herrietako egokitze-neurriak garatzen laguntzeko. Zehazki, Euskal Meteorologia Agentziak haizearen abiadura, hezetasun erlatiboa eta eguzki-erradiazioa sartu ditu azterketan. Aldagai horiei esker, Euskal Autonomia Erkidegoko klima-arriskuaren azterketa sakonagoa egin ahal da, eta tokiko baldintzak eta datozen hamarkadetan haiek izango dituzten bilakaera aztertu daitezke.

Horretarako, klima-ereduen proiekzioak egokitu egin dira eskualdeko behaketetan lortutako datuetara egokitzeko. Azterketa EURO-CORDEXen datuetan oinarritu da; EURO-CORDEX Europako eskualdeko klima-proiekzioko ekimen aurreratuenetako bat da. Ekimen horrek klima-aldaketaren simulazioak sortzeko eredu globalak eta eskualdeko ereduak erabiltzen ditu, gutxi gorabehera 12 x 12 km-ko bereizmenarekin eta alborapen-zuzenketarik gabe. Behaketa-erregistroetarako E-OBS erabili da, ECA&Dk (European Climate Assessment & Dataset) garatutako Europako datu klimatikoen multzoa; bertan, Europako estazioetako aldagai meteorologikoei buruzko erregistro serie luze eta kalitatezkoak daude. Azkenik, espazio-iragarpenari aplikatutako Machine-Learning teknikak erabili dira gainerako tenperatura eta prezipitazio datuen bereizmen-balio berdina lortzeko (1x1 km), eta horrela eragiketak errazteko.

Ekimen hau A.2 EAEko klima-arriskuaren analisia zabaltzea ekintzaren barruan dago.  

Erakunde laguntzailea: Euskalmet