Euskadik Urban Klima 2050 aurkeztuko du Glasgowko COP26n, eskualde mailako klima-ekintzarako puntako proiektu gisa
2021/11/03
- Eusko Jaurlaritzako Ingurumen Jasangarritasuneko sailburuorde Amaia Barredok parte hartuko du azaroaren 9an ‘Politikak diseinatzetik aplikatzera: klima-aldaketara moldatzeko eskualdeko konponbide berritzaileak’ saioan.
LIFE IP Urban Klima 2050 proiektuak parte hartuko du Glasgown urriaren 31tik azaroaren 12ra bitartean egiten ari den COP26n. Amaia Barredok, Eusko Jaurlaritzaren Ingurumen Jasangarritasuneko sailburuordeak, datozen urteetarako Euskadiren klima-ekintzarako proiekturik handiena aurkeztuko du ‘Politikak diseinatzetik aplikatzera: klima-aldaketara moldatzeko eskualdeko konponbide berritzaileak’ saioan, azaroaren 9an, asteartean, formatu hibridoan (Europako pabiloia Glasgown – online, streaming emisioa aldez aurretik izena emanda).
Ekitaldi honetan, klima-aldaketara egokitzeko politikak berriztatzeko ekimenak erakutsiko dira (trantsizio klimatiko eta energetikorako eta ekonomia urdinerako); halaber, lurraldeetan inpaktua duten ekonomia eta lurralde mailako gobernantza klimatikoko eredu berrietara aldatzeko inplementazio-proiektuak ere erakutsiko dira. Ekitaldia eskualde mailan puntakoak diren 4 esperientziatan eta haien erreplikagarritasun globalean zentratuko da.
Europar Batasunaren Glasgoweko 2021eko COP26ko ekitaldi paraleloen programaren ekitaldi ofiziala da. Antolatzaileak: Itsasoz Bestaldeko Herrialde eta Lurraldeen Elkartea, Balear Uharteetako Gobernua, Europako Eskualdeetako Lantaldea eta Eusko Jaurlaritza.
Egitaraua
16:00: Ongietorria eta sarrera.
16:10: Itsasoz bestaldeko herrialde eta lurraldeak, eta ekonomia urdin jasangarrira pasatzera zuzendutako urratsak eta bide-orri berria. Sr. Kalistat Lund. OCTAko Presidentearen Ordezkaria, Groenlandiako Nekazaritza, Autosufizientzia, Energia eta Ingurumen Ministroa.
16:20: Balear Uharteetako Gobernuaren egokitzapenerako bide-orria, eta garatutako lehenengo proiektu pilotuak. Sr. Juan Pedro Yllanes. Balear Uharteetako Gobernuaren Presidenteordea eta Trantsizio Energetikoko Sailburua
16:30: Europako testuinguru politikoa tokiko eta eskualdeko ikuspegitik. Sr. Apostolos Tzitzikostas. Eskualdeetako Lantaldeko Presidentea eta Erdialdeko Mazedonia Eskualdeko Gobernadorea, Grezia.
16:40: Euskadin, klima-aldaketara egokitzeko ekintza proiektu kolaboratibo eta eraldatzaile baten bidez gauzatzen da: Life Urban Klima 2050. Sra. Amaia Barredo. Eusko Jaurlaritzako Ingurumen Jasangarritasuneko Sailburuordea.
16:50: Konklusioak.
Izen-ematea Europar Pabilioi osorako egin behar da. Horren ostean, erabaki ahal izango duzu zer ekitalditara joan nahi duzun.
Aldi bereko itzulpena egongo da: ingelesa-frantsesa-gaztelania.
