Azterlan batek aldaketak jasotzen ditu klimaren araudian eta Bizkaiko Golkoko biodibertsitatearen banaketan
2021/09/21
- AZTIk eta Naturklimak Urban Klima 2050en sartutako LIFE proiektuaren babesarekin egin duten lanak klima aldaketari eta muturreko fenomenoen areagotzeari lotutako aldakuntzak antzeman ditu.
- Gainera, emaitzek erakusten dute itsasoaren eta airearen beroketak eragina izan duela euskal kostaldeko komunitate bentonikoan.
Klima aldaketak kostaldeko guneetan dituen eraginak, ozeanoen beroketa globala, muturreko olatuak eta itsas mailaren igoeraren azkartzea, esate baterako, errealitate bilakatu dira euskal kostaldean. Hala erakusten du AZTI-k eta Naturklima-k eginiko txosten batek. Klima erregimenean aldaketak ematen ditu aditzera, eta Bizkaiko Golkoko biodibertsitatearen birbanaketa ere bai.
Urban Klima 2050en sartutako LIFE proiektuaren babesarekin egindako azterlanak, Science of the Total Environment aldizkari espezializatuan argitaratu zenak, helburutzat du Bizkaiko Golkoan klima aldaketaren adierazleen denbora-serieen azterketa egitea, euskal kostaldea barne hartuta. Horretarako, metodologia integratu eta malgua erabili da, Eredu Gehigarri Misto Orokortuetan oinarritua, 19 adierazletan joerak antzemateko (itsas fisika, kimika, atmosfera, hidrologia, geomorfologia, biodibertsitatea eta espezie komertzialak barne). Azken lau hamarkadetan aztertutako 87 denbora-serie baino gehiago behatu dira azken lau hamarkadetan, eta emaitzek araudi klimatikoaren aldaketen lau talde adierazten dituzte:
- Klima aldaketari lotutako aldaketa graduala ikusi da 80ko hamarkadatik aurrera. Itsasoaren gainazala berotu egin da badian, 100 metroko sakontasuneraino (0,10-0,25 °C hamarkada bakoitzeko), eta airearen eta intsolazioaren tenperatura igo da. Posible da beroketa horrek euskal kostaldeko komunitate bentonikoaren banaketari eragin izana eta ur epeletako espezieei mesede egin izana, ur hotzetakoen kaltetan. Gainera, antxoen eta sardinen adinaren araberako pisua jaitsi egin da azken hamarkadetan.
- Litekeena da golkoaren hego-ekialdean neguko geruza misto sakonagoa egoteak eragin izana elikagaiak, gainazaleko oxigenoa eta klorofila kontzentrazioa areagotzea.
- Itsas mailaren igoera (1,5-3,5 cm hamarkada bakoitzeko, 90ekoaz geroztik), aldaketa klimatikoari lotuta.
- Olatuen altuera neurrigabekoarekin lotutako gertaerak areagotu dira, eta altuera hori 16,8 cm igo da hamarkada bakoitzean golkoaren hego-ekialdean. Hori, ziurrenik, azken hamarkadako denboraleekin lotuta egongo da, eta hondartzetako higaduraren eraginekin.
Halako azterketek laguntzen dute itsasoaren beroketari, itsas mailaren igoerari eta kanpoko fenomenoei lotutako tasa zehatzen estimazioa egiten, eta itsas produktibotasunaren etorkizuneko ibilbideen aurreikuspena izatea ahalbidetzen dute. Funtsezko adierazleak dira klima aldaketak eskualdean dituen eragin negatiboak minimizatzera bideratutako egokitzapen neurririk onenak definitzeko.
